Сачратқи
Cichorium intybus L.
Identifier
CSTR: UZ113.45.PL.Cichorium.inthybus.IBUz.00016
Ўсимлик тавсифи. Сачратқи – Asteraceae оиласига кирувчи урчуқсимон ва йўғон илдизли кўп йиллик ўсимлик. Пояси тик турувчи ва узун туклар билан қопланган, барглар қарама қарши жойлашган. Гуллари кўк, пушти ва оқ рангда, тўпгуллари ичида ёки калта саватчаларда жойлашган. Сачратқи мевалари – пардасимон попукли призмасимон пистача. Битта сачратқи тўпидан 3-25 минг дона уруғ олиш мумкин. Ўсимликнинг барча органларида сутлама найлари жойлашган. Сачратқи ёзда гуллаб, ёзнинг охиридан кузнинг ўрталарига қадар мевалайди.
Ҳозирги вақтда сачратки дунёнинг кўплаб мамлакатларида мазали зиравор ва пархез таом маҳсулоти сифатида оммабоп ҳисобланади. Майдаланиб қовурилган сачратқи илдизи узоқ вақтлардан бери европаликларнинг қахвага (кофе) қўшиладиган севимли ичимликларидан биридир. Сачратқи илдизидан сут ва қаймоқ қўшиб тайёрланган шарбат қаҳванинг ўрнини босувчи ичимлик сифатида асосан болалар ва соғлиги туфайли қахва ичиш мумкин бўлмаган одамларнинг рационига киритилган. Белгияликлар сачратқини пишлоқ ва олма билан димлайдилар, латвияликлар асал, лимон ва олма шарбати қўшилган ҳолда сачратқи илдизидан салқин ичимлик тайёрлашади. Махсус салат сачратқисининг барглари ва новдалари турли-туман салатларнинг таркибий қисми сифатида ишлатилади, ўсимликнинг ёш новдалари қайнатилади ёки хамирга қўшиб пиширилади.
Ўсиш жойи. Тарқалиши.
Тошкент, Жиззах, Самарқанд, Қашқадарё ва Сурхандарё вилоятларида кенг тарқалган, қуйи ва ўрта тоғ минтақасининг тошли ва шағалли қияликларида ўсади.
Хом ашёни йиғиш ва унинг сифати.
Сачратқининг илдизи кузда сентябр-октябр ойларида йиғиб олинади. Бунинг учун улар биринчи навбатда белкурак ёрдамида ковланади, баъзида плуг ёрдамида ҳайдаб олинади. Шундан сўнг илдизлар қўл ёрдамида ажратилади, ювилади ҳамда қуритилади. Илдизни қуритишдан олдин поянинг кераксиз қисмидан тозаланади. Илдизлар йўғон ва узун бўлса, улар бўйламасига ва кўндалангига бир неча бўлакларга бўлиниб, қуритгичда 50-600С ҳароратда қуритилади. Қуритилган хом ашё буришган кўринишига эга бўлади. Ташқи томондан озгина жигарранг, ичи оқ ёки сарғиш бўлади. У ўзига хос ҳидга эга эмас, фақат аччиқ таъмга эга. Ер усти қисми ҳар қандай доривор ўт каби тайёрланади: сачратқи новдасининг юқориги қисми гуллаш даврида йиғилади, алоҳида бўлакларга бўлиниб, ҳаво яхши айланадиган соя жойларда қуритилади.
Кимёвий таркиби.
Сачратқи илдизида 60% гача инулин, 10-20% фруктоза, интибин гликозиди (фармацевтика саноатида қўлланилади), шунингдек, каротин, В (В1, В2, В3) витаминлар гуруҳлари, С витамини, макро- ва микроэлементлар (Na, K, Ca, Mg, P, Fe ва бошқалар), органик кислаталар, танинлар, пектин, оқсил моддалари, смолалар мавжуд. Сачратқи илдизи таркибида қимматли модда инулин мавжуд бўлиб, метаболизмни яхшилайди ва овқат ҳазм қилиш тизимининг фаолиятини нормаллаштиради.
Турли хил касалликларни даволашда сачратқидан фойдаланиш.
Сачратқи ўсимлиги узоқ вақтдан буён халқ табобатида машҳур бўлган қимматбаҳо доривор ўсимлик. Сачратқи илдизи қадимги Римда овқатни ҳазм қилишни яхшилаш учун ишлатилган, Мисрда ундан илон ва ўргимчак чаққанида заҳарга қарши зардоб тайёрлашган. Машҳур Абу али ибн Сино ошқозон-ичак тракти ва кўз касалликлари, кўз яллиғланиши ҳамда подагра касалликларини даволашда сачратқи қўлланилган. Замонавий тиббиётда сачратқи ўзининг фойдали доривор хусусиятлари (тинчлантирувчи, шакар миқдорини пасайтурувчи, боғловчи, ўт ҳайдовчи, сийдик ҳайдовчи, яллиғланишга қарши, иситма туширувчи, гижжа ҳайдовчи хусусиятлар) туфайли жуда хилма-хил қўлланишларни топган.
Ўсимликни овқат хазм қилиш тизими учун фойдаси. Илдиз қайнатмаси иштаҳани яхшилаш, ошқозон ости бези фаолиятини нормаллаштириш учун энг яхши воситалардан бири бўлиб келган. Бундан ташқари, ўт қопи тошларини эритишга ёрдам беради, ўт ҳайдовчи таъсирга эга, жигарда қон оқими ва унинг метаболитик жараёнларини яхшилайди. Ўсимликдан олинган инулин бифидостимулятор бўлиб, фойдали ичак микрофлорасини ривожланишига ёрдам бериб, организмнинг умумий иммунитетини мустаҳкамлайди. Сачратқи таркибидаги моддалар ошқозон ва ичак шиллиқ қаватининг яллиғланиш жараёнини сусайтиришга ёрдам беради. Юқоридаги хусусиятлар туфайли сачратқи ошқозон ва ўн икки бармоқли ичак яралари, гастрит, дисбактериоз, диспепсия, ич қотиши, жигар ва ўт пуфаги касалликлари (цирроз, гепатит ва бошқалар) профилактикаси ва даволашда кенг қўлланилади. Сачратқи асаб ва юрак-қон томир тизими учун жуда фойдали. Илдизидан тайёрланган шарбати кофеинни ўзида сақламайдиган кофе ўрнини босувчи ичимлик сифатида қўлланилиши мумкин бўлмаган ҳолатлар аниқланмаганлиги учун гипертония, неврастения, депрессия, уйқусизлик ва мигрен касаллиги бор инсонлар учун фойдали ҳисобланади. Шарбат В витаминига бой бўлганлиги туфайли инсон асаб тизимига тинчлантирувчи таъсир кўрсатади (бу витаминлар яхши кайфият, соғлом уйқу, энергия ва қувват учун жавобгар). Шу билан бирга калийга бой бўлган сачратқи (юракнинг нормал ишлаши учун зарур) қондан ортиқча холестериндан фориқ бўлишда, томирларнинг кенгайишига, юрак қисқаришининг амплитуда ва ритмини нормаллаштиришда ёрдам беради. Айнан шу сабабли атеросклероз, тахикардия, юрак-қон томирлар тизими касалликлари ва бошқа касалликларга чалинган инсонлар учун рационда сачратқи ичимлиги истемол қилиш фойдали ҳисобланади. Сачратқи таркибида юқори миқдорда темир моддаси камқонликнинг (анемия) олдини олиш ва комплекс даволашда ишлатилади.
Қандли диабет ва семизликка қарши. Тиббиётда сачратқи илдизи таркибида юқори молекуляр полисахарид инулиннинг юқори миқдорини сақлагани учун қимматли ҳисобланилади. Айнан инулин қондаги қанд миқдорини камайтиришда, метаболизм ва овқат ҳазм қилишни яхшилашда ёрдам беради, бу барча хусусиятлари комплекс равишда диабетнинг олдини олиш ва даволашда ижобий роль ўйнаб, ортиқча вазнга қарши курашда самарали ҳисобланади.
Сачратқи тери касалликларини комплекс даволашда ҳам қўлланилади. Сачратқи бактерицид ва яллиғланишга қарши таъсирга эга бўлганлиги учун ярани даволовчи восита сифатида ишлатилиши мумкин (ўсимликнинг дамалама, қайнатма ва спиртли настойкаси себорея, аллергик дерматит, нейродерматит, диатез, экзема, сувчечак, псориаз, пес, ҳуснбузар, фурункул ва бошқалар).
Кундалик ҳаётда сачратқидан фойдаланиш талоқ касалликлари, буйрак яллиғланиш касалликлари ва буйрак тошларини даволашда сезиларли ижобий таъсир кўрсатади. Бундан ташқари, сачратқи таркибини мунтазам истеъмол қилиш инсонларни токсинлар, радиактив моддалар ва оғир металлардан тозалашда ёрдам беради.
Қўллаш усули. Сачратқи илдизидан қайнатма тайёрлаш. 1 қошиқ майдаланган сачратқи илдизи устига 200 мл қайноқ сув қўшиб, 10 дақиқа давомида паст оловда қайнагандан сўнг қиздирилади, сўнг тиндириб сузгичдан ўтказилади.
Қандли диабети учун кунига 3 маҳал 50 мл дан ичилади. Сачратқи илдизи қайнатмаси ошқозоности бези, ўт пуфаги, жигар (ўт тош касаллигида ҳам) касалликларида ўт ҳайдовчи восита сифатида қўлланилади; сийдик ҳайдовчи восита сифатида буйрак касалликларида, овқат ҳазм қилишни яхшилаш ва метаболитик касалликларни даволашда ишлатилади. Ташқи томондан тери касалликлари ва подагра касаллиги учун ванна, ҳўлланма ва компресслар сифатида қўлланилади.
Сачратқи илдизини дамламаси. 2 чой қошиқ майдаланган илдиз устига 200 мл қайноқ сув қуйиб, 1-2 соат дамланади, совутилиб сузгичдан ўтказилади. Дамлама кун давомида 3-4 мартада истеъмол қилинади. Қандли диабетни даволашда ишлатилади.
Сачратқи ўти ва илдизининг дамламаси. 1 ош қошиқ сачратқи гули ва 1 ош қошиқ сачратқи илдизи олинади.
Қўллаш мумкин бўлмаган ҳолатлар.
Қон томир касалликлари, шунингдек, вена қон томирлари варикози ёки геморрой касалликлари билан оғриган беморлар кундалик рационида сачратқи маҳсулотларини истеъмол қилишдан олдин шифокор билан маслаҳатлашиши керак.
Фойдаланилган адабиетлар рўйхати:
1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Бадретдинова З.А., Канарский А.В., Шуваева Г.П. Сравнительная оценка антиоксидантной активности продуктов из цикория // Вестник Воронежского Государственного Университета Инженерных Технологий, 2016. № 1(67). – С. 203-206.
5. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
6. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. –764 с.
7. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
8. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
9. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
10. Государственная Фармакопея СССР // 11-е изд. – М.: Медицина, 1989. – 398 с.
11. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2 – 560 с.
12. Губанов И.А., Киселёва К.В., Новиков В.С., Тихомиров В.Н. Иллюстрированный определитель растений Средней России. В 3 т. – М.: Т-во науч. изд. КМК, Ин-т технолог. иссл., 2004. – Т. 3. –371 с.
13. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. –592 с.
14. Лузина Е. Сайбель О.Л., Даргаева Т.Д. Перспективы использования цикория обыкновенного Cichorium intybus L. в качестве лекарственного растительного сырья // Вопросы обеспечения качества лекарственных средств, 2015. № 2 (7). – С. 36-43.
15. Палов М. Энциклопедия лекарственных растений. Под ред. канд. биол. наук И.А.Губанова. – М.: Мир, 1998. –467 с.
16. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
17. Сайбель О.Л., Даргаева Т.Д., Пупыкина К.А. Изучение желчегонной и гепатопротекторной активности травы цикория обыкновенного // Медицинский Вестник Башкортостана, 2015. №10 (5). – С. 70-73.
18. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
19. www.ipni.org
20. https://www.greeninfo.ru
21. http://lektrava.ru
22. http://manual-plants.com.ua/section/opisanie-rasteniy
23. http://pharmspravka.ru
24. http://www.fito.nnov.ru
25. http://n-retsept.ru
26. www.plantarium.ru
27. http://www.theplantlist.org/
28. http://www.u-lekar.ru/
29. http://100trav.su/
30. https://dreamsmedic.ru/travnichestvo/rasteniya/rasteniya-na-bukvu-cz/czikorij-obyiknovennyij.html
31. https://agronom-guru.turbopages.org/s/agronom.guru/tsikoriy-obyknovennyy
32. https://tursar.ru/page-joy.php?j=1650
https://cstr.cn/UZ113.45.PL.Cichorium.inthybus.IBUz.00016


РУ




