Бўймодарон
Achillea millefolium L.

Identifier

CSTR: UZ113.45.PL.Achillea.millefolium.IBUz.00024

Ўсимлик таснифи.

Бўймодарон Asteraceae оиласига мансуб кўп йиллик ўсимлик, илдизлари ўрмаловчи, симсимон шаклда. Пояси тик турувчи, баландлиги 20-80 см, майин туклар билан қопланган. Барг япроқлари ланцетсимон, чўзинчоқ, узунлиги 3-15 см, эни 0,5-3 см, пастки қисмида нуқтали безчалари бор, икки ёки уч карра патсимон бўлинган, асосига бироз етмайди, кўп сонли (15-30) бир-биридан сезиларли узоқроқ жойлашган бирламчи бўлаклари бор, улар 9-15 та тишсимон бўлакчаларга эга. Гул саватчалари поянинг юқори қисмидаги қалқончаларда тўпланади. Тилсимон гуллари 5 та, ранги оқ, камдан кам ҳолларда пушти рангда бўлади. Уруғлари (пистача) ясси, чўзинчоқ кумушсимон-кулранг, узунлиги 1,5-2 мм. Июнь ойидан ёзнинг охиригача гуллайди: уруғлари июль-сентябрда пишиб етилади.
Тиббиётда ўсимликнинг ер усти қисми (ўсимлик ўтлари ва гуллари) ишлатилади.

Ўсиш жойи. Тарқалиши.

Бўймодарон Ўзбекистоннинг барча худудларида учрайди. Кўпинча тоғ олди этакларидан то ўрта тоғ минтақасигача тарқалган. Дала четларида, йўл бўйларида, ўрмонларда ўсади; баъзан ташландиқ ерларда зич ўсиш майдонларини ҳосил қилади. Ўсимлик сояга сезгир бўлади.

Хом ашёни йиғиш ва унинг сифати.

Бўймодарон ўсимлигининг икки қисмидан, яъни ўсимлик ўти ва гулларидан хом ашё йиғилади. Ўсимликни гуллаш даврида (июнь ойидан то август ойининг биринчи ярмигача) 15 см узунликда пояларининг тепа қисми йиғилади. Гулларидан хом ашё йиғилганда алоҳида саватчалари ёки 2 см дан катта бўлмаган ҳолда қалқон тўпгул билан поялари кесиб олинади. Ўсимликни илдизи билан бутунлигича суғуриб олиш мумкин эмас; бу зич ўсадиган майдонлар йўқ қилинишига олиб келади. Йиғимни тўғри олиб борилганда бир майдондан бир неча йил хом ашё олиш мумкин, сўнгра ушбу майдонга 1-2 йил давомида «дам» берилади. Давлат фармакопияси талабларига биноан «Бўймодарон» хом ашёси поя қолдиқлари 15 см дан ошмаган қалқонча тўпгуллардан иборат. Хом ашёда алоҳида саватчалар ҳам учрайди. Ҳиди хушбўй, ўзига хос, таъми аччиқ.

Рақамли кўрсаткичлари:

намлик 13% дан, умумий кул 15% дан, 10% хлорид кислотасида эримайдиган кул миқдори 3% дан, диаметри тешиклари 1 мм бўлган элакдан ўтган майдаланган қисмлари 3% дан, 3 мм дан қалин поялари 3% дан, органик аралашмалар (бошқа заҳарли бўлмаган ўсимлик қолдиқлари) 0,5% дан, минерал аралашмалар (тупроқ, қум, тошчалар) 1% дан ошмаслиги керак. Хом ашё айвонлар остида ёки 500С ҳароратда қуритгичларда қуритилади.
Тайёр хом ашё 50 кг ҳажмдаги қопларга қадоқланади. Қуруқ ва салқин жойларда ҳаво яхши айланадиган токчаларда сақланади. Яроқлилик муддати 2 йил.
XI ДФ талабларига биноан «Бўймодарон гуллари» хом ашёси: қалқонча тўпгулларни банди билан узунлиги 4 см гача бўлган бўлаклари (гул саватчаларининг асосидан ҳисоблаганда) ва чўзинчоқ-тухумсимон шаклдаги узунлиги 3-5 мм, эни 1,5-3 мм бўлган алоҳида гул саватчаларидан иборат.

Кимёвий таркиби.

Бўймодарон барглари ва гуллари таркибида азуленлар, мураккаб эфирлар, камфора, туйол, цинеол, кариофиллен, чумоли, сирка ва изовалериан кислоталарини ўз ичига олган эфир мойи киради. Ўсимлик таркибида танинлар, қатронлар, аччиқликлар, витаминлар, алкалоидга ўхшаш ахиллиен ва бошқа моддалари мавжуд.

Тиббиётда қўлланилиши. 

Бўймодарон ўти яллиғланишга қарши ва бактерицид таъсирга эга. Улар ошқозон-ичак трактининг турли касалликлари, ошқозон яраси ва гастрит учун дамлама ва қайнатма шаклида қўлланилади. Бу ошқозон ва иштаҳа очувчи чойларнинг таркибига киради. Қичитқи ўти билан Бўймодароннинг қичитқиўт ўсимлиги билан бирга препарати ички ва тошқи қон кетишида қон тўхтатувчи ва тинчлантирувчи восита сифатида буюрилади.

Фойдаланилган адабиетлар рўйхати: 1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений // Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. – 764 c.
6. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
7. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
8. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
9. Государственная Фармакопея СССР // 11-е изд. – М.: Медицина, 1989. – 398 с.
10. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1. – 568 с.; ч.2. – 560 с.
11. Губанов И.А., Киселёва К.В., Новиков В.С., Тихомиров В.Н. Иллюстрированный определитель растений Средней России. В 3 т. – М.: Т-во науч. изд. КМК, Ин-т технолог. иссл., 2004. – Т. 3. Покрытосеменные (двудольные: раздельнолепестные). – 319 с.
12. Куцик Р.В., Зузук Б.М. Тысячелистник обыкновенный // Журнал Провизор, №14, №15, 2002. – С. 5-7.
13. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. – 592 с.
14. Машковский М.Д. Лекарственные средства. В 2 т. – М.: ООО Издательство Новая Волна, 2000. – 540 с.
15. Носов А. М. Лекарственные растения. – М.: ЭКСМО-Пресс, 2000. – 350 с.
16. Палов М. Энциклопедия лекарственных растений. Под ред. канд. биол. наук И.А.Губанова. – М.: Мир, 1998. – 467 с.
17. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
18. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
19. www.ipni.org
20. https://www.greeninfo.ru
21. http://lektrava.ru
22. http://manual-plants.com.ua/section/opisanie-rasteniy
23. http://pharmspravka.ru
24. http://www.fito.nnov.ru
25. http://n-retsept.ru
26. www.plantarium.ru
27. http://www.theplantlist.org/
28. http://www.u-lekar.ru/
29. http://100trav.su/
30.https://edaplus-info.turbopages.org/s/edaplus.info/directory-herbs/milfoil.html
31.https://good-tips.pro/medicinal-plants/yarrow-achillea-millefolium-health-benefits
32. https://natural-museum.ru/flora/тысячелистник-обыкновенный

Khojimatov et al, 2024. Achillea millefolium L. Бўймодарон
https://cstr.cn/UZ113.45.PL.Achillea.millefolium.IBUz.00024