РУ
Арслонқулоқ
Leonurus turkestanicus V. I.Krecz. & Kuprian.
Ўсимлик тавсифи.
Арслонқулоқ Lamiaceae оиласига мансуб кўп йиллик ўсимлик. Пояси бир нечта ёки кўп сонли, тик турувчи, оддий ёки юқори қисми тарвақайлаб шохланган, майда тукли ёки силлиқ, баландлиги 10-150 см. Барглари кенг тухумсимон-юмалоқ, кафтсимон бўлинган, ромбсимон тескари чўзинчоқ, ўткир ёки ўткирлашган, чуқур патсимон-бўлакли ёки патсимон бўлинган, одатда бўлаклари чўзилган, ўткир ёки ўткирлашган, деярли силлиқ ёки бирмунча зич ёпишган калта туклар билан қопланган, узун бандли; гулёнбарглари кичрайган, юқорига қараб тез кичрайиб боради, мураккаб бўлинмаган. Гуллари ўтроқ, кам гулли, пастки қисмида оралари жуда кенгайган, юқорида эса бирмунча яқинлашган ҳалқаларда, гулёнбарглар қўлтиғида жойлашган. Гулёнбарглари бигизсимон, эгилган, юқорига йўналган, майин тукли, косачабаргдан анча калтароқ. Косачабарглари узунлиги 8-9 мм, калта тукли, кенг учбурчакли, дарров тиканга торайган, меваларида тўрсимон томирланган, эгилган тишчали, найчанинг узунлигига тахминан тенг. Гултожибарглари пушти-бинафша ранг, ташқи томондан тукли, узунлиги 12-13 мм. Ёнғоқчалари оч жигарранг, ўткир уч қиррали, юқори қисми қийшиқ кесилган ва тукланган, узунлиги тахминан 3 мм. Июнь-июль ойларида гуллайди; июль-август ойларида мевалайди.
Ўсиш жойи. Тарқалиши.
У Тошкент, Самарқанд ва Сурхондарё вилоятларининг ўрта тоғ минтақаларида тошли ва майин заррали қияликларда ўсади.
Умумий тарқалиши. Марказий Осиё (Тиён-Шон, Помир-Олой).
Хом ашёни йиғиш ва унинг сифати.
Арслонқулоқнинг ер усти қисми гуллаш даврининг бошида, одатда, июль ойининг бошларида қўлда ёки механизациялашган усулда йиғиб олинади. Йиғим пайтида ўсимликнинг зич ўсиш майдонларини нормал ҳаётчанлигини таъминлаш учун мавжуд генератив пояларнинг 2/3 қисмидан кўпини кесиб ташламаслик керак ва шу ўсиш майдонидан хом ашё 3 йиллик «дам олиш»дан кейин йиғилиши мумкин. Йиғилган ўсимлик ўтлари ҳаво яхши айланадиган чордоқларда ёки айвон остида қуритилиб, қоғоз ёки матога қалинлиги 5-7 см қатлам қилиб ёйилиб, вақти-вақти билан аралаштирилади. Бутун ўтлар соф оғирлиги 15 кг дан ошмайдиган, майдаланганлари эса – 50 кг дан ошмайдиган қоплар ичига солинади. Қадоқлашдан олдин хом ашёга қўшимча ишлов берилади: майдаланади ва қўпол поялари элакларда олиб ташланади. Қуруқ, ҳаво яхши айланадиган жойларда сақланади. Яроқлилик муддати 3 йил.
Хом ашё қисман эзилган, поянинг баргли ва тўпгулли юқори қисмларидан иборат. Рақамли кўрсаткичлар: намлик 13% дан; умумий кул миқдори 12% дан; ўсимликнинг поя қисмлари (асосий пояси ва ён новдалари) 2% дан; органик аралашмалар (бошқа заҳарли бўлмаган ўсимликларнинг қисмлари) 3% дан; минерал аралашмалар (тупроқ, қум, тошчалар) 1% дан кўп бўлмаслиги керак. Моғорлаган ва чириган, заҳарли ўсимликлар ва уларнинг қисмлари, шунингдек, бегона ўтириб қолган ҳид бўлмаслиги лозим.
Кимёвий таркиби.
Ўсимлик ўтида урсулин кислотаси, стахидрин, флавоноидлар, шу жумладан, рутин, гиперозид, фенолкарбоксил кислоталар, алкалоидлар, танинлар, органик кислоталар, сапонин мавжуд.
Тиббиётда қўлланилиши.
Халқ табобатида сув-спиртли экстракти ва дамламаси ҳам юрак касалликларини даволашда тинчлантирувчи восита сифатида ишлатилади.
Фойдаланилган адабиетлар рўйхати:
1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. . –764 с.
6. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
7. Вермейлен Н. Пустырник обыкновенный // Полезные травы. Иллюстрированная энциклопедия. Пер. с анг. Б.Н.Головкина. – М.: Лабиринт Пресс, 2002. – 320 с.
8. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
9. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
10. Государственная Фармакопея СССР // 11-е изд. – М.: Медицина, 1989. – 398 с.
11. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2 – 560 с.
12. Грудзинская Л.М., Гемеджиева Н.Г., Нелина Н.В., Каржаубекова Ж.Ж. Аннотированный список лекарственных растений Казахстана: Справочное издание – Алматы: 2014. – 200 с.
13. Загурская Ю.В. систематика, морфология и лекарственные свойства растения Leonurus quinquelobatus Gilib // Успехи современного естествознания. – 2014. – № 12-2. – С. 56-59.
14. Иллюстрированный определитель растений Ленинградской области / Под ред. А.Л.Буданцева, Г.П.Яковлева. – М.: Товарищество научных изданий КМК, 2006. – С. 493-501.
15. Лекарственное растительное сырье. Фармакогнозия: Учеб. пособие / Под ред. Г.П.Яковлева и К.Ф.Блиновой. – СПб.: СпецЛит, 2004. – 765 с.
16. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. – 592 с.
17. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
18. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
19. Чуешов В.И. и др. Промышленная технология лекарств. – Х.: МТК-книга, Издат. НФАУ, 2002. – 716 с.
20. Khojimatov O.K. Medicinal plants of Uzbekistan: their past, present and future // Food and Food Ingredients Journal of Japan Vol. 224, 2019. №.2 pp. 201-207.
21. Olim K. Khojimatov, Dilovar T. Khamraeva, Alisher N. Khujanov, Rainer W. Bussmann. An overview of Ethnomedicinal plants of Uzbekistan. Ethnobotany Research & Applications 20:08 (2020) // Published: 21.06.2020, http://dx.doi.org/10.32859/era.20.08.1-19
22. www.ipni.org
23. https://www.greeninfo.ru
24. http://lektrava.ru
25. http://manual-plants.com.ua/section/opisanie-rasteniy
26. http://pharmspravka.ru
27. http://www.fito.nnov.ru
28. http://n-retsept.ru
29. www.plantarium.ru
30. http://www.theplantlist.org/
31. http://www.u-lekar.ru/
32. http://100trav.su/
33.https://www.medskop.ru/lekarstvennye_rasteniya_kirgizii/osnovnye_dikorastuschie_lekarstvennye_rasteniya_kirgizii/3212.html
34. https://dic.academic.ru/dic.nsf/ruwiki/241959
35.https://www.bal-ara.kz/medonosnye-rasteniya-kazakhstana/item/185-pustyrnik-turkestanskij