Қуштили
Polygonum aviculare L.

Identifier

CSTR: UZ113.45.PL.Polygonum.aviculare.IBUz.00063

Ўсимлик тавсифи. 

Қуштили – Polygonaceae оиласига мансуб бир йиллик ўсимлик. Илдизи ўқ илдизли, бироз шохланган. Поялари узунлиги 10-60 см, ёйилиб ўсган ёки кўтарилган, кўпинча асосидан шохланган. Барглари эллипссимон шаклдан чизиқли-ланцетсимонгача, тўмтоқлашган ёки калта учли, асосида қисқа бандгача торайган, узунлиги 1-4 см ва эни 0,5 см. Гуллари 2-5 гача барглар қўлтиғида жойлашган. Гулқўрғони чуқур бўлинган, беш аъзоли, пастки қисми яшил, юқори қисми оқ ёки пушти рангли. Мева учбурчакли, қора, баъзида каштан рангли ёнғоқчадир. Майдан кеч кузгача гуллайди ва мевалайди.
Тиббиётда ўсимлик ўти дамламалар ва қайнатмалар тайёрлаш учун ишлатилади.

Ўсиш жойи. Тарқалиши.

Ўзбекистон ҳудудида қуштили ҳамма жойда учрайди.
Қуштили йўллар, сўқмоқлар, зовурлар, қумли ва шағалли тепаликларда, дарёлар қирғоқлари бўйида ва ўтлоқ ерларда, кўп мол боқилган яйловларда ўсади, экинлар, томорқалар, ўрмоннинг ёш кўчатзорларида бегона ўтлар сифатида учрайди. Қурғоқчиликка чидамли, шўртоб ерларга чидамли, тупроқнинг қаттиқ зичлигига чидамли. Такрорий ўришдан кейин яхши ўсади. Чорва моллари томонидан кучли босилган ерларда ва уларнинг ейилишидан кейин ҳам ўса олади. Бошқа ўсимликлардан рақобат бўлмаган тақдирда, у уруғлари билан яхши тикланади ва кучли зичлашган тупроқларда соф ўсиш майдонларини ҳосил қилади.

Хом ашёни йиғиш ва унинг сифати.

Хом ашёни йиғиш деярли ёз давомида қуруқ об-ҳаво шароитида гуллаш пайтида амалга оширилади. 30 см узунликдаги баргли новдалар пичоқ ёки ўроқ билан кесилиб, ўсимликларнинг илдизлари ва қўнғирранг қисмлари олиб ташланади. Ҳосилни бир жойда йиғиш, ҳар йили ўтказиш мумкин. Самарали тикланиши учун уруғлик учун яхши ривожланган ўсимликларнинг тахминан 25% ни қолдириш керак.
Ўсимлик ўти очиқ ҳавода чордоқ ёки хаво яхши айланадиган айвонларда юпқа қатламга ёйилиб, вақти-вақти билан аралаштириб ёки қуритгичларда 50-60°С ҳароратда қуритилади. Поялар букилганда осон синишса, қуритиш тўхтатилади. Қуруқ хом ашёнинг ҳосилдорлиги 22-24% ни ташкил қилади. Қуруқ ўтлар 15-20 кг қопларга қадоқланади. Қуруқ, яхши ҳаво айланадиган хоналарда, токча ва стеллажларда сақланади. XI ДФ маълумотларига кўра, ўсимлик хом ашёсини – 30 см узунликдаги барглари ва барг қўлтиғида бир нечта жойлашган оч пушти гуллардан иборат поялар ташкил этади. Ҳиди кучсиз, таъми бироз боғловчи. Намлик 13% дан, ўз рангини йўқотган ўт қисмлари – 3% дан, илдизлар 2% дан, ва тешикнинг диаметри 2 мм бўлган элакдан ўтадиган зарралар 3% дан ошмаслиги керак. Хом ашёнинг яроқлилик муддати – 3 йил.

Кимёвий таркиби.

Қуштили ўтларида танинлар – 3%, флавоноидлар – 1,48-1,97% (авикулярин, кварцетин, изорамнетин, мирицетин, кемпферол, лютеолин), кремний кислотаси – тахминан 1%, С витамини, аччиқлик, смола, мум, эфир мойлари ва алкалоидларнинг излари мавжуд.

Тиббиётда қўлланилиши.

Ушбу ўсимликнинг ўтидан тайёрланган гален препаратлари сийдик миқдорини кўпайтиради, сийдик билан ортиқча натрий ва хлор ионларини ажралишига ёрдам беради. Қуштили ўти сийдик тошларининг пайдо бўлиши олдини олади, бу унинг таркибида эриган кремний кислотаси бирикмаларининг бўлиши билан боғлиқ. Ушбу ўсимлик асосий таркибий қисм бўлган гален препаратлари ва йиғмалари сийдик йўлларининг сурункали касалликлари, буйрак тугунчаларнинг фильтрлаш функциясини пасайганда ва сийдикда катта миқдордаги минерал тузлар, айниқса оксалат кислотаси тузлари пайдо бўлганда ишлатилади. Ёрдамчи восита сифатида улар сийдик тош касаллигининг дастлабки босқичларида, сийдик тошлари олиб ташланган операциядан кейинги даврда, сийдик кислотаси диатези, терининг ҳуснбузар, фурункул ва баъзи дерматитлар касалликларида буюрилади.
Ошловчи моддалар борлиги сабабли қуштили ўтини гастроэнтерит, келиб чиқиши турлича бўлган диарея, қон томир деворларининг ўтказувчанлигини ошганда ва ошқозон-ичак тракти шиллиқ қаватининг шикастланган томирларидан қон кетган ҳолатларда самарали ҳисобланади. Ўсимлик функционал жигар етишмовчилиги ва моддалар алмашинувининг токсик маҳсулотлари танада ушланиб қолиши билан боғлиқ касалликлар учун ишлатилади. Қуштили ўти дамламалари ва қайнатмалари бачадон атонияси туфайли бачадондан қон кетган, шунингдек, ичак ва геморройдан қон кетган ҳолатларда ишлатилади.
Қуштили ўтининг дамламаси. 10 г (1-2 ош қошиқ) хом ашё сирланган идишга солинади, устига 200 мл (1 стакан) иссиқ қайнатилган сув қуйилади, қопқоқ билан ёпилади ва 15 дақиқа давомида қайноқ сувда (сув ҳаммомида) иситилади. Кейин хона ҳароратида 45 дақиқа давомида совутилади, сузгичдан ўтказилади ва қолган хом ашё олиб ташланади. Олинган дамлама қайнатилган сув билан бирламчи ҳажм 200 мл гача етказилади. Дамлама салқин жойда 2 кунгача сақланади. Овқатдан олдин кунига 2-3 марта 1/2-1/3 стакандан ичилади.

Фойдаланилган адабиётлар рўйхати:

1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. . – 764 с.
6. Борисова Н.А., Шретер А.И. К методике определения запасов и картирования ресурсов лекарственного растительного сырья // Раст. ресурсы. – Ленинград: Наука, 1966.– Т. 2. – Вып. 2. – C. 271-277.
7. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
8. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
9. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
10. Губанов И.А., Киселёва К.В., Новиков В.С., Тихомиров В.Н. Иллюстрированный определитель растений Средней России. – М.: Т-во научных изданий КМК, Ин-т технологических исследований, 2003. – Т. 2. – С. 49.
11. Государственная Фармакопея СССР // 11-е изд. – М.: Медицина, 1989. – 398 с.
12. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2. – 560 с.
13. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. . – 592 с.
14. Медицинская ботаника. Уч. для студ. вузов. – Харьков: Изд-во НФаУ: Золотые страницы, 2003. – С. 138. – 364 с.
15. Палов М. Энциклопедия лекарственных растений». Под ред. канд. биол. наук И.А. Губанова. – М.: Мир, 1998. . – 467 с.
16. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
17. Семенцов А. Л. 2000 заговоров и рецептов народной медицины. – РИД, 1997. – С. 59.
18. Хожиматов К.Х., Хожиматов О.К. Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
19. Щадилов Е. Целебные сорняки. – Питер, 2002. – 256 с.
20. www.ipni.org
21. https://www.greeninfo.ru
22. http://lektrava.ru
23. http://manual-plants.com.ua/section/opisanie-rasteniy
24. http://pharmspravka.ru
25. http://www.fito.nnov.ru
26. http://n-retsept.ru
27. www.plantarium.ru
28. http://www.theplantlist.org/
29. http://www.u-lekar.ru/
30. http://100trav.su/
31. https://good-tips.pro/medicinal-plants/polygonum-aviculare-health-benefits
32. https://dic.academic.ru/dic.nsf/ruwiki/630862
33. https://herbalpedia.ru/catalog/sporysh/

Khojimatov et al, 2024. Polygonum aviculare L. Қуштили
https://cstr.cn/UZ113.45.PL.Polygonum.aviculare.IBUz.00063