РУ
Сув қалампир
Persicaria hydropiper (L.) Delarbre
Ўсимлик тавсифи.
Polygonaceae оиласига мансуб бир йиллик ўт ўсимлик, тик турувчи, одатда пояси қизғиш, шохланган, бўйи 30-60 см. Барглари кетма-кет жойлашган, ланцетсимон, учли, асоси тор понасимон, пастки қисмида қисқа бандли, юқори қисми деярли ўтроқ, четлари қаттиқ киприксимон ва бироз тўлқинли. Гуллари 1-3 та, новдалар учида ёнбарг қўлтиғида (раструбда) жойлашган, сийрак узун ингичка бошоқчаларни ҳосил қилади. Гулқўрғони яшилроқ ёки пушти рангга эга, ташқи томондан зич олтин-сариқ нуқтали безлар билан қопланган. Мевалари тухумсимон ёнғоқча, гулқўрғондан бироз қисқа. Июлдан октябргача гуллаб, мева беради.
Ўсиш жойи. Тарқалиши.
Сув қалампир фақат тоғли ҳудудларда ўсади. У дарёларнинг ўтлоқ ерларида, ботқоқ ерларда, нам ўтлоқларда, дарё ботқоқ қирғоқлари, кўллар, ҳовузлар ва нам босган йўллар ва ариқларда ўсади. Кўпинча бегона ўт ўсимлик сифатида учрайди.
Сув қалампирнинг ўти «Анестезол» ва «Анусол» геморройга қарши шамчалар таркибига киритилган. Ушбу ўсимликдан ажратиб олинган флавон гликозидларининг йиғиндиси бўлган гидропиперин препарати фойдаланиш учун тасдиқланган. Бундан ташқари, суюқ сув қалампирининг экстракти ва дамламаси ишлатилади.
Хом ашёни йиғиш ва унинг сифати.
Сув қалампир ер усти қисмини гуллаш даврида тайёрланади, пичоқ ёки ўроқ билан тупроқ юзасидан 10-20 см баландликда кесилади. Катта ҳажмдаги зич ўсган майдонларда ўсимликнинг олдин бегона ўтлардан тозаланиб, кейин ўриб олинади. Йиғим даврида сув қалампирини сақлаб қолиш учун ҳар 10 м2 майдончада бу ўсимликнинг бир нечта тупини уруғидан кўпайиши учун қолдириш керак.
Йиғилган хом ашё очиқ ҳавода, айвон остида қуритилади, юпқа қатлам қилиб ёйилади ва тез-тез аралаштириб турилади. Секин қуриганда, ўсимлик қораяди. Қуритгичда 40-50°C ҳароратда қуритиш яхшироқ. Қуруқ хом ашёнинг чиқиши 20-22% ни ташкил қилади. Қуруқ ўтларни пресслаб, қоплар ёки тойларга солинади. Токча ва стеллажларда қуруқ, яхши ҳаво айланадиган хоналарда сақланади.
Давлат фармакопеяси талабларига кўра, сув қалампир хом ашёси турли хил ривожланиш даражасидаги мевалари билан узунлиги 30-45 см баргли гул поялардан иборат. Ҳиди йўқ. Таъм бироз аччиқ. Янги хом ашё қуритиш пайтида йўқоладиган ўткир (қалампир) таъмга эга. Намлик 14% дан ошмайди. Хом ашё таркибида жигарранг, қорайган қисмлари 2% дан, майдаланган қисмлар, шу жумладан, тўкилган барглар, гуллар, мевалар 10% дан, органик аралашмалар, шу жумладан, сув қалампирининг яқин турлари 3% дан, минерал аралашма 0,5% дан ошмаслиги керак. Кулнинг умумий миқдори 8% дан ошмаслиги керак. Хом ашёнинг яроқлилик муддати 2 йил.
Кимёвий таркиби.
Сув қалампирининг таркибида 2,5% флавоноидлар (рутин, кверцитрин, гиперозид, қверцитин, рамназин, кемпферол, мирицетин, изорамнетин, лютеолин), танинлар (3,8%), органик кислоталар (чумоли, сирка, валериан), К, A, D, Е, С витаминлари, эфир мойлари мавжуд. Полисахаридларнинг юқори миқдори 10% ни ташкил қилади, асосий таркибий қисмини галактурон кислотаси ва рамноза, шунингдек, галактоза, глюкоза, манноза, арабиноза, ксилоза каби моносахаридлар ташкил этади. Полисахаридлар пектин моддалари синфига киради.
Тиббиётда қўлланилиши.
Сув қалампирнинг препаратлари бачадондан қон кетишда, жуда кўп ва оғриқли ҳайз пайтида қўлланилади. Унинг экстрактлари қон билан йўталган, сийдик пуфагидан қон кетган, ошқозон ва геморроидал қон кетиши рўй берган беморларда ишлатилиши мумкин. У Claviceps purpurea (Fr) Tul. (Оқсухта ўроқкуяси) замбуруғи каби таъсирга эга, лекик сал кучсизрок, бу замбуруғдан фарқли ўлароқ айни пайтда ориқ қолдирувчи таъсирга ҳам эга.
Сув қалампирнинг ўтидан баъзида турли хил доривор ўсимликлар билан биргаликда диарея ва энтероколит касалликларида ишлатилади. Мураккаб йиғмалар таркибига кирувчи сув қалампирининг ўти сурункали колит билан оғриган беморларга, шиллиқ қаватнинг эрозив-яралар билан қопланишида, шунингдек, геморройни даволашда буюрилади. Доривор ўсимликларнинг йиғмасида сув қалампиридан ванна сифатида геморройни ташқи даволаш учун ишлатилади.
Сув қалампир ўсимлигининг дамламаси. 10 г (1-2 ош қошиқ) хом ашё сирланган идишга солинади, 200 мл (1 стакан) иссиқ қайнатилган сув қуйилади ва қайнаб турган сувда (сув ҳаммомида) 15 дақиқа давомида иситилади, сўнгра хона ҳароратида 45 дақиқа совутилади, сузгичдан ўтказилади, қолган хом ашёдан тозаланади. Олинган дамлама қайнатилган сув билан 200 мл ҳажмгача суюлтирилади. Дамлама салқин жойда 2 кундан ортиқ бўлмаган жойда сақланади. Овқатланишдан олдин кунига 3-4 марта 1/3 стакан қон тўхтатувчи восита сифатида ичилади.
Фойдаланган адабиетлар руйхати:
1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Аржанов Н.П. Цена крови // Журнал «Провизор», 2002 г, № 16.
4. Атлас ареалов и ресурсов лекарственных растений. – М.: ГУГК, 1983. – 340 с.
5. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
6. Биологически активные вещества растительного происхождения. Б.Н. Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001.
7. Борисова Н.А., Шретер А.И. К методике определения запасов и картирования ресурсов лекарственного растительного сырья // Раст. ресурсы. – Ленинград: Наука, 1966.– Т. 2. – Вып. 2. – C. 271-277.
8. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
9. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
10. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
11. Губанов И.А., Киселёва К.В., Новиков В.С., Тихомиров В.Н. Иллюстрированный определитель растений Средней России. В 3 т. – М.: Т-во науч. изд. КМК, Ин-т технолог. иссл., 2003. – Т. 2. Покрытосеменные (двудольные: раздельнолепестные). – С.52.
12. Государственная Фармакопея СССР // 11-е изд. – М.: Медицина, 1989. – 398 с.
13. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2 – 560 с.
14. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003.
15. Машковский М.Д. «Лекарственные средства». В 2 т. – М., ООО «Издательство Новая Волна», 2000.
16. Медицинская ботаника. Учеб. для студ. вузов. – Харьков: Изд-во НФаУ: Золотые страницы, 2003. – С. 137. – 364 с.
17. Носов А. М. Лекарственные растения. – М.: ЭКСМО-Пресс, 2000. – 350 с.
18. Палов М. Энциклопедия лекарственных растений». Под ред. канд. биол. наук И.А. Губанова. – М.: Мир, 1998.
19. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
20. Хожиматов К.Х., Хожиматов О.К. Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
21. Чиков П.С. Лекарственные растения. М.: Медицина, 2002.
22. www.ipni.org
23. https://www.greeninfo.ru
24. http://lektrava.ru
25. http://manual-plants.com.ua/section/opisanie-rasteniy
26. http://pharmspravka.ru
27. http://www.fito.nnov.ru
28. http://n-retsept.ru
29. www.plantarium.ru
30. http://www.theplantlist.org/
31. http://www.u-lekar.ru/
32. http://100trav.su/
33. https://dic.academic.ru/dic.nsf/ruwiki/875482
34. https://www.5lepestkov.com/?p=4723
35. http://medgrasses.ru/gorezper.html