





Тоғжумрут
Rhamnus cathartica L.
Identifier
CSTR: UZ113.45.PL.Rhamus.cathartica.IBUz.00002
Ўсимлик тавсифи.
Тоғжумрути – бу Rhamnaceae оиласига мансуб бута ёки кичик дарахт, одатда, тикан билан тугайди, баландлиги 3 м гача, камдан-кам ҳолларда эса 8 м га етиши мумкин. Барглари узунлиги 2-5 см, деярли қарама-қарши ёки қарама-қарши, силлиқ, тухумсимон ёки кўпинча эллипссимон, учи калта ўткирлашган, асосида понасимон ёки юмалоқ, майда кунгурали-тишсимон, 3 жуфт ён томирларига эга, бандчалари узунлиги 1-1,5 см гача. Гулбандчалари узунлиги 1 см гача. Косачабарглари узунлиги тахминан 5 мм. Тожибарглари чўзинчоқ, косабаргларга қараганда қисқароқ. Данакнинг эни 5 мм, қора ранг. Уруғлари тор тешикка эга. Май-июнь ойларида гуллайди. Мевалар июль-август ойларида пишади ва узоқ вақт тўкилмайди.
Ўсиш жойи. Тарқалиши.
Тоғжумрут тоғ қияликларида, арча ва ёнғоқ ўрмонларида, тоғ дарёлари бўйларида ўсади. Тошкент, Фарғона ва Самарқанд вилоятларида учрайди.
Хом ашёни йиғиш ва унинг сифати.
Тоғжумрут мевалари заҳарли ҳисобланади, улар фақат доривор дозаларда истеъмол қилинади. Мева тўлиқ пишганда хом ашёси йиғилади. Кейин улар ингичка қатлам қилиб ёйиб ёки махсус қуритгичларда қуритилади. Халқ табобатида қуритилган тоғжумрут мевасидан дамламалар шаклида ич юмшатувчи сифатида ишлатилади. Текширув натижаларига кўра, ҳар бир бемор учун 20 донадан бошлаб, сўнгра кўпайиб борадиган индивидуал дозани танлаш кераклиги аниқланган. Бундан ташқари, тоғжумрут резаворлари нафақат ич сурувчи, балки ичакни бошқарувчи восита ҳисобланади, шунинг учун уларни ич сурувчи ва мустаҳкамловчи йиғмалар таркибига қўшилади.
Кимёвий таркиби.
Резаворлар таркибида антрахинонлар (эмодин, рамнокатартин ва бошқалар), флавоноидлар, пектин моддалари, шилимшиқ, шакар, камедь, баргларида кўп миқдорда С витаминлари ва бошқалар бор, уларнинг илдизида кўплаб танинлар ва бошқа фойдали моддалар мавжуд.
Тиббиётда қўлланилиши.
Даволаш учун тоғжумрутнинг пишган мевалари ишлатилади, шунда ҳам чекланган миқдорда, яшил меваларни ейиш ёки бошқа мақсадларда ишлатиш мумкин эмас, чунки улар жуда заҳарли. Тоғжумрут, умуман олганда, агар дозадан ошмаса, танага енгил ич сурувчи таъсир кўрсатади. Тоғжумрут тонусини оширади ва ичакнинг мотор функциясини кучайтиради, лекин секин ҳаракат қилади, терапевтик таъсири қабул қилинганидан 10-14 соат ўтгач пайдо бўлади. Тоғжумрут мевалари пўстлоғидан кучсизроқ таъсирга эга. Бундан ташқари, тоғжумрут меваларининг қайнатмаси ва дамламаси антибактериал ва сийдик ҳайдовчи хусусиятларга эга. Мева таркибидаги сув экстракти герпес вирусини ривожланишига тўсқинлик қилади.
Халқ табобатида тоғжумрути юқоридаги ҳолатлардан ташқари, ҳаттоки гастрит, ич кетувчи колит, гельминтик инвазия, подагра, ревматизм, ҳўл йўтал, анемия, сариқлик, асцитли жигар циррози, ўсмалар, шиш, ошқозон яраси, юрак етишмовчилиги, юрак истисқоси касалликларда ва қусиш воситаси сифатида ҳам қўлланилади. Тоғжумрут препаратлари анъанавий тиббиётда сурункали ич қотиш, ичак атонияси, спастик колит, бавосил ва анусдаги ёриқлар учун ҳам қўлланилади. Тоғжумрут меваларидан ревматизм учун суртиш учун спиртли настойкаси тайёрланади (мевалар 40% спирт ёки ароқ устида туриб олинади). Тоғжумрут меваларини оч қоринга янги терилганда 10-15 донадан истеъмол қилиш мумкин. Тоғжумрутнинг янги мевалари қуритилган меваларга қараганда танага самарали таъсир қилади. Даволаш пайтида тоғжумрут меваларидан янги шарбати ичилади, катталар – 1 ош қошиқ, болалар –1 чой қошиқдан битта ичишда фойдаланиш мумкин. Аммо ҳаммага ҳам тоғжумрут бир хил таъсир кўрсатмайди, уларнинг баъзилари 1 ош қошиқ консерваланган ёки янги тоғжумрут шарбатидан қаттиқ ичи суриши мумкин. Шу сабабли ушбу ўсимлик шарбатини даволанишда ишлатишдан олдин кичик дозаларда ичиш тавсия этилади.
Ташқи томондан, оғизни чайиш, тоғжумрутнинг мевалари ва новдаларидан тайёрланган дамламадан тери касалликлари (экзема ва бошқаларни), йирингли яралар, фурункулларни ювиш учун фойдаланилади. Қуруқ тоғжумрут мевалари кукун қилиб майдаланади ва сиркада дамланганлари солинган қичима учун ишлатилади.
Тоғжумрут дамламаси: 1 ош қошиқ мевага 1 стакан қайноқ сув солинади, ёпилади ва 2 соатга дамланади. Кечасига ич сурувчи сифатида 1/2 стакандан ичилади.
Тоғжумрут қайнатмаси: 20 г қуруқ меваларни 20 дақиқа давомида 0,5 л сувда қайнатилади, бир четга қўйилади ва яна 8-10 соат дамланади, сўнгра сузгичдан ўтказилади. Юқоридаги касалликларда кунига 3-4 марта 1 ош қошиқдан ичилади. Эрталаб 1/2 стакандан (оч қоринга) ва кечаси 1/2 стакандан ичиш мумкин.
Тоғжумрутни ишлатиш мумкин бўлмаган ҳолатлар.
Бачадондан қон кетиши, ҳомиладор ва эмизикли аёллар учун тоғжумрутдан тайёрланган дорилар ишлатилмайди. Бундан ташқари, тоғжумрутни узоқ вақт ишлатиш мумкин эмас. Тоғжумрутнинг мевасидан тайёрланган чойни атиги бир неча кун ичиш тавсия этилади. Тоғжумрутдан фойдаланганда меъёрга эътибор бериш лозим, чунки акс ҳолда кўнгил айниши, қусиш, бош оғриғи ва ҳ.қ. билан кечадиган заҳарланиш ҳолати вужудга келади.
Фойдаланилган адабиётлар рўйхати:
1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. – 764 с.
6. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
7. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
8. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
9. Государственная Фармакопея СССР // 11-е изд. – М.: Медицина, 1989. – 398 с.
10. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2. – 560 с.
11. Иллюстрированное руководство для ботанических практик и экскурсий в Средней России. Скворцов В.Э. М. Товарищество научных изданий КМК, 2004. – 506 с.
12. Кьосев П.А. Лекарственные растения: самый полный справочник. – М.: Эксмо, 2011. – 944 с.
13. Лекарственные растительные средства // Справочник. Под ред. Г.Е.Пронченко, 2002. М.: ГЭОТАР-МЕД. – 288 с.
14. Лекарственное сырье растительного и животного происхождения. Фармакогнозия. Под редакцией Г.П.Яковлева, Санкт-Петербург, Издательство «СпецЛит», 2006. –845 с.
15. Лесиовская Е.Е., Пастушенков Л.В. Фармакотерапия с основами фитотерапии. Учебное пособие. – М.: ГЭОТАР-МЕД, 2003. – 592 с.
16. Носов А.М. Лекарственные растения в официальной и народной медицины. М.: Изд-во Эксмо, 2005. – 800 с.
17. Палов М. Энциклопедия лекарственных растений». Под ред. канд. биол. наук И.А.Губанова. – М.: Мир, 1998. – 467 с.
18. Рабинович А.М, Рабинович С.А. Лекарственные и пряно-ароматические растения России. – М.: ОЛМА-ПРЕСС, 2001. –319 с.
19. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
20. Растительные ресурсы России: Дикорастущие цветковые растения, их компонентный состав и биологическая активность. Под редакцией А.Л. Буданцева. Т.3. М.: Товарищество научных изданий КМК, 2010. – 601 с.
21. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
22. Этимологический словарь латинских ботанических названий лекарственных растений. Светличная Е.И., Толок И.А. – Харьков: Изд-во НФаУ: Золотые страницы, 2003. – 288 с.
23. www.ipni.org
24. https://www.greeninfo.ru
25. http://lektrava.ru
26. http://manual-plants.com.ua/section/opisanie-rasteniy
27. http://pharmspravka.ru
28. http://www.fito.nnov.ru
29. http://n-retsept.ru
30. www.plantarium.ru
31. http://www.plantsoftheworldonline.org/taxon/urn:lsid:ipni.org:names:718256-1
32. http://www.theplantlist.org/
33. http://www.u-lekar.ru/
34. http://100trav.su/
35. https://tiensmed-ru.turbopages.org/s/tiensmed.ru/news/joster-ab0.html
36. https://dic.academic.ru/dic.nsf/ruwiki/335032
37. http://medgrasses.ru/zhoster.html
https://cstr.cn/UZ113.45.PL.Rhamus.cathartica.IBUz.00002


РУ