Дастарбош
Lepidolopsis pseudoachillea (C.Winkl.) Poljakov

Ўсимлик тавсифи.

Дастарбош бу Asteraceae оиласига мансуб кўп йиллик ўт ўсимлик. Пояси бир нечта, тик турувчи, кучли, қиррали, оддий ва фақат юқори қисмида қалқончасимон шохланган, зич баргли, кам тукланган, баландлиги 50-100 см. Барглари узун ипсимон туклар билан бирмунча сийрак тукланган, чўзинчоқ-тухумсимон, икки карра патсимон, чўзинчоқ эллипссимон, аррасимон тишчали бўлаклари бор, остки ва ўрта поядагилари узун бандли, поянинг юқори қисмида ўтроқ, кичраяди ва унчалик мураккаб бўлинмаган. Саватчалари зич қалқончасимон тўпгулда жойлашган. Ўрама баргалари тухумсимон ёки деярли шарсимон. Ўрама барглари деярли силлиқ, сарғиш, орқа ва юқори қисмида яшил рангга эга, ташқи томондаги ўрама барглари юқори қисмида, шунингдек, ички томондагиларининг четлари ҳам юпқа пардасимон бўлади. Четки гулларининг узунлиги ички гулларга тенг, деярли найчасимон, 3-4 тишчали, бир томонидан чуқур кесилган бўкилган жойи бўлиб, тилсимон гулларга ўхшайди, уруғчи гуллари ривожланмаган чангчиларга эга, ички гуллари сариқ рангли. Пистачалар асосига қараб бироз торайган, сал эгилган, орқа томондан силлиқ, ички қисмида 4-5 та қиррали. Тож шаклидаги жуда калта пардасимон кесилган попукка эга. Июнь-август ойларида гуллайди; мевалари июль-сентябрь ойларида етилади.
Тиббиётда ўсимлик тўпгуллари ишлатилади.

Ўсиш жойи ва тарқалиши.

Дастарбош деярли Ўзбекистоннинг тоғолди ва тоғли қисмларида кенг тарқалган. Ирмоқлар, дарёлар бўйида, сояли жойларда, ўрта тоғ минтақасининг дарахтлар остида учрайди.

Хом ашёни йиғиш ва унинг сифати.

Дастарбош тўпгуллари гуллаш пайтида йиғиб олинади, унинг саватлари гулбандлар билан кесиб олинади. Йиғилган хом ашё айвон остида ёки қуритгичларда 40°C дан юқори бўлмаган ҳароратда қуритилади. Қуруқ хом ашёнинг чиқим массаси 22-23% ни ташкил қилади. Хом ашёнинг намлиги 13% дан ошмаслиги керак.

Кимёвий таркиби.

Ўсимлик таркибида эфир мойлари, 5-метил-3- (1-метилвинил) -1,4-гексадиен; 2,3-диметил-1,4-пентадиен; α-пинен, 1,8-цинеол, эвкалиптол, сексвитерпеноидлар: танацин, тахиллин, танапсин, танахин, танадин, тавулин, дезатиллауренобиолид, дигидродезатиллауренобиолид; стероидлар: β-ситостерин, флавоноидлар: кверцетин, кверцитрин мавжуд.

Тиббиётда қўлланилиши.

Дастарбош тўпгуллари дамламаси юмалоқ чувалчангларга ва айрим ичак касалликларига қарши ишлатилади. Ўсимликнинг ўт ҳайдовчи ва фитонцид хусусиятлари аниқланган, шу туфайли у лямблиоз, холецистит ва гепатитни даволашда ижобий натижалар беради. Дастарбошнинг ер усти қисми ҳам инсектицид хусусиятга эга. Дастарбош заҳарли бўлиб, уни ҳайвонлар кўп миқдорда истеъмол қилса, уларни заҳарланишига олиб келади. Пичан таркибидаги дастарбошнинг бироз аралашмаси ҳам сутга аччиқ таъм беради.

Фойдаланилган адабиетлар рўйхати:

1. Акопов И.Э. Важнейшие отечественные лекарственные растения и их применение. – Ташкент: Медицина, 1990. – 446 с.
2. Алимбаева П.К., Гончарова А.В. Дикорастущие лекарственные растения Киргизии. – Фрунзе: Илим, 1971. – 98 с.
3. Атлас ареалов и ресурсов лекарственных растений. – М.: ГУГК, 1983. – 340 с.
4. Биологические особенности и распространение перспективных лекарственных растений //Под редакцией Т.А.Адылова. – Ташкент: Фан, 1981. –158 с.
5. Биологически активные вещества растительного происхождения. Б.Н.Головкин, Р.Н.Руденская, И.А.Трофимова, А.И.Шретер – в 3 томах. М.: Изд-во Наука, 2001. .– 764 с.
6. Ботанико-фармакогностический словарь // Под ред. Блиновой К.Ф. – М.: Высшая школа, 1990. – 272 с.
7. Гаммерман А.Ф., Кадаев Г.Н., Янценко-Хмелевич А.А. Лекарственные растения (растения-целители). – М.: Высшая школа, 1984. – 400 с.
8. Гесь Д.К., Горбач Н.В. Лекарственные растения и их применение. – Минск: Наука и техника, 1977. – 552 с.
9. Государственная Фармакопея СССР // 11-е изд. – М.: Медицина, 1989. – 398 с.
10. Государственный реестр лекарственных средств. Официальное издание: в 2 т.- М.: Медицинский совет, 2009. – Т.2, ч.1 – 568 с.; ч.2 – 560 с.
11. Машковский М.Д. Лекарственные средства. В 2 т. – М., ООО «Издательство Новая Волна», 2000. – 540 с.
12. Новикова А., Малаш А. Здоровый желудок и растительные средства // – М.: Махаон; Мн.: Книжный Дом, 2000. – 192 с.
13. Носов А. М. Лекарственные растения. – М.: ЭКСМО-Пресс, 2000. – 350 с.
14. Палов М. Энциклопедия лекарственных растений. Под ред. канд. биол. наук И.А.Губанова. – М.: Мир, 1998. – 467 с.
15. Растительные лекарственные средства Абу Али ибн Сино (Авицены). Справочник // Под редакцией Ш.Б.Иргашева. – Ташкент: Абу Али ибн Сино, 2003. – 457 с.
16. Чиков П.С. Лекарственные растения. – М.: Медицина, 2002. – 496 с.
17. Лесиовская Е.Е., Пастушенков Л.В. «Фармакотерапия с основами фитотерапии». Учебное пособие. – М.: ГЭОТАР-МЕД, 2003. – 592 с.
18. Хожиматов К.Х., Хожиматов О.К., Собиров У.А. Сборник правил пользования объектами лекарственных, пищевых и технических растений. Ташкент: «Янги аср авлоди», 2009. – 171 с.
19. www.ipni.org
20. https://www.greeninfo.ru
21. http://lektrava.ru
22. http://manual-plants.com.ua/section/opisanie-rasteniy
23. http://pharmspravka.ru
24. http://www.fito.nnov.ru
25. http://n-retsept.ru
26. www.plantarium.ru
27. http://www.theplantlist.org/
28. http://www.u-lekar.ru/
29. http://100trav.su/
30. http://mountainherbs.uz/ru/node/32
31. https://www.asienda.ru/plants/pizhma/pizhma-tysyachelistnaya/
32. https://good-tips.pro/medicinal-plants/tansy-health-benefits